Na vóia - Franco Bisi
- la Lavagna di GustaModena -

Na vóia

Prémma ch'a vaga (... al pió luntan ch'as pól! )
a magnèr i radécc per la raìsa,
a gh' ho ‘na vóia sècca e bein precisa,
ch'a vrévv realizèr per mê gudiól:

andèr in ‘na campagna pina ed sól
e, smindgàndem d'avér la testa grisa,
inerbèrem el brègh e la camisa,
come cla volta, a fèr del caveriól;

e vèdr in di tô òcc l'ammiraziòun
per tótta cla girandla ed scumazèin
come ai bée tèimp di nòster simitòun;

e pó satt-braz turnèrsen pian pianèin,
sèinza dmandères se cl'andèr sdlundlòun
al vègna da stufaia o da murbèin.


Un desiderio

Prima ch'io vada (il più lontano possibile!)
a mangiare i radicchi per la radice,
ho un desiderio ardente e ben preciso
che vorrei realizzare per mia soddisfazione:

andare in una campagna piena di sole
e, dimenticando di avere la testa grigia,
inerbarmi i pantaloni e la camicia,
come quella volta, a fare capriole;

e vedere nei tuoi occhi ammirazione
per tutta quella girandola di piroette
come ai bei tempi delle nostre affettuosità;

e poi sottobraccio tornarcene pian pianino
senza chiederci se quel camminare ciondoloni
provenga da stanchezza o da vivacità.