Dedicata a Ema.... :) :) :)
- la Lavagna di GustaModena -

Per vinser al lôt - Francesco Luppi

Chi vól zughèr al lôt e a-n n'ha mai vint
a gh'ho al sistema bòun: cherdim a mè,
però al voi regalêr sol a cla gint
ch'i în cunvint ch'la gh' andrà drìta un dè.

A gh' al vól dêr a lór perchè, tignòun
cum'i-în a gh vól un riconoscimeint,
n'aiùt, un prémi : un têren 'd-quelch miliòun
da mètr'al pôrch a l'ôra ... finalmeint.

A s' tós un pcoun ed cherta sutileina,
al têren al se-gh scrîv ed sóvra cêr
la s' biasa fin ch'la dveinta 'na papeina

per psérla facilmeint, dop, ingugnêr;
quest-chè, al venerdè a la bas'óra,
e i nùmer, al dè dôp, i vînen fóra.




Per vincere al lotto

Per chi vuole giocare al lotto e non ha mai vinto
ho il sistema buono: credete a me,
però lo voglio regalare solo a quella gente
che è convinta che un giorno gli andrà bene.

Lo voglio dare a loro perché, testardi
Come sono ci vuole un riconoscimento,
un aiuto, un premio: un terno di qualche milione
per sistemarsi……finalmente.

Si prende un pezzetto di carta sottilissima,
il terno glielo si scrive sopra chiaro
lo si mastica fino a che non diventa una pappina

per poterla ingoiare, dopo, facilmente,
questo, al venerdì pomeriggio,
e i numeri, il giorno dopo, escono.