Feragast - Franco Bisi
- la Lavagna di GustaModena -

Feragast


Quand Feragast, dal fnèstri in ucarèla,
l'a-m porta in cà al silenzi dla zitè,
sèinza Mudnés ( chissà indò i s'èn stremnè )
o Modna mia, come te m'sèmber bèla!

E in dl'óra ch'a-s va a fèr la gabanèla
e tótt al mànd al pèr indurmintè,
la fantasia la m'mètt in fustinèla
e a-m ciapa 'na gran vóia d'libertè.

E a-tac a sgirandlèr per la calura,
e a la randa dal sol a-vag pian pian,
sbirciand i monumèint cun tanta cura

che i poch Mudnés in gir, i pinsarán
ed catères davanti a la figura
d'un furastér, ch'ali vègna da luntan.

- Franco Bisi -




Ferragosto


Quando Ferragosto attraverso le finestre socchiuse
mi porta in casa il silenzio della città,
senza Modenesi (chissà dove si sono sparsi)
o Modena mia, come mi sembri bella!

E nell'ora in cui si va a fare il sonno pomeridiano
e tutto il mondo sembra addormentato,
la fantasia mi mette in agitazione
e sono colto da una grande voglia di libertà.

E comincio a gironzolare per la calura
e in pieno sole vado pian piano
osservando i monumenti con tanta cura,

che i pochi modenesi in giro penseranno
di trovarsi davanti alla figura
di un forestiero, che venga da lontano.